Iba’t iba ang presentasyon ng UTI; sa iba, walang anumang sintomas na nararamdaman, sa iba naman, meron. Heto ang mga karaniwang sintomas ng UTI:

• Makirot na pag-ihi (Dysuria)
• Balisawsaw
• Madalas na pag-ihi (Urinary frequency)
• Mabaho at hindi malinaw na ihi
• Pananakit sa pantog
• Panakakit sa tagiliran
• Lagnat

Kung ito ay malalang kaso ng UTI, o ang impeksyon ay umabot sa bato (kidney), pwedeng magkaroon ng karagdagang sintomas:

• Mataas na lagnat
• Panginginig
• kulay tsaa, itim o pulang ihi
• Pagkaliyo at pagsusuka

Magpatingin sa doktor kung may mga sintomas na ganito.