Ano po ang tamang gamot sa sakit ng tiyan dahil sa sobra at kung ano ano kinakain?

Ang pananakit ng tiyan dahil sa “pagkasira ng tiyan” o dahil sa kung ano-anong kinain ay hindi ginagamot sa pamamagitan ng pag-inom ng anumang gamot. Sa halip, hinahayaan lamang na “ilabas” ng kusa ng katawan ay anumang nakasira sa tiyan. Ang prosesong ito ay pwedeng matulungan ng mga sumusunod:

• Pag-inom ng maraming tubig
• Pag-iwas sa kape, softdrinks, alak, at gatas
• Mga okay na kainin: Saging, kanin, tinapay, sabaw
• Mga okay na inumin: Tubig, tsaang gubat

Magpatingin sa doktor kung sa loob ng tatlong araw ay hindi pa bumubuti ng lagay ng tiyan, kung hindi na makakain, o kung magkaron ng iba pang sintomas gaya ng pagsusuka, lagnat, hilo.