Ano ang sanhi ng pangangati ng ari ng lalaki?

A: ano ang sanhi ng pangangati ng ari ng lalaki pati ang puwitan?

A: Ang pangangati ng ari ng lalaki ay isang karaniwan at nakakasagabal na karamdaman sa marami sa mga kalalakihan. Ano nga ba ang mga posibleng sanhi nito? Narito ang posibleng sanhi ng pangangati:

1. Impeksyon, kabilang na ang mga STD. May mga STD, o sakit na nahahawa dahil sa pakikipag-sex, na nagdudulot ng pangangati. Malikot ka ba sa babae, at hindi gumagamit ng condom? Kung oo, maaaring STD ang sanhi ng iyong nararamdaman. Pakiramdaman ang katawan kung may mga iba pang sintomas gaya ng tulo, pamumula, mga kulani, at iba pa.

Tingan sa Kalusugan.PH: Ano ang gamot sa pangangati ng bayag?

2. Allergy. Posible rin naman na ang pangangati ay sanhi ng allergy. Nagpalit ka ba ng brief o underwear o gumamit ng ibang klaseng tela? Posibleng maging sanhi ito ng contact allergy. May mga tao rin na allergic sa latex o goma na natatagpuan sa condom.

3. Hadhad. Ang hadhad ay dulot ng mga fungus na lumalaganap sa pawis at mabasa-basang mga lugar. Dahil dito, ay hadhad ay karaniwang sa mga kalalakihang mahilig sa sports o laging pinapawisan o nababasa ang kanilang mga maselang bahagi.

Tignan sa Kalusugan.PH: Ano ang gamot sa pangangati sa puwet?

4. Kuto. Hindi namang sa buhok natatagpuan ang kuto. Posibleng pagkaron ng ‘pubic lice’ o mga kuto sa bulbol.

Kung hindi tiyak kung ano ang sanhi ng pangangati sa iyong ari, magpatingin sa iyong doktor upang ma-examine at mabigyan ng kaukulang gamot.

Pruritus vulvae: Makating-makati ang ari ng babae

Q: My ngyari po saakin na kakaiba saaking ari … Nung unang dalawang bwan ko po dito sa japan ay madalas na kumakati ang labas ng aking ari o sa gilid ng aking mani .. Habang tumatagal lalo itong pakati ng pakati .. Etong nakaraan linggo ay may nakapa po akong magaspang na parang kalyo at itoy mahapdi .. Ang ipinagtataka ko lang po ay kung saan ko nakuwa ito dahil wala pong gumagamit saakin. Nag search po ako sa google at nakakakilabot ang aking mga nakita .. Anu po ba ang pwede kong gawin ? Dahil po sa twing umiihi ako ay mahapdi . Sana po ay matulungan nio po ako . Salamat po

A: Mahirap matukoy kung ano ba talaga yang iyong nararamdaman sapagkat hindi kita ma-examine, ngunit base sa iyong kwento, ang iyong karamdaman ay isang sintomas na tinatawag na ‘pruritis vulvae’ o pangangati ng ari ng babae.

Marami itong maaaring sanhi, kabilang na hindi ang mga impeksyon, STD man o hindi, gaya ng kurikong na makating-makati. Ang paggamit ng anumang pinapahid sa ari, gaya ng mga lotion, wash, sabon, at iba pa ay maaari ring maka-irita ng balat sa may ari, at mag-sanhi ng pangangati. Pwede rin itong isang uri ng allergy. May mga pagbabago ka bang ginawa sa iyong ari, gaya ng pagpapalit ng bagong sabon, o bagong panty? Lahat ng ito’y mahalagang balikan upang matuklasan ang sanhi, gayundin, may mga sakit na maaaring maging sanhi nito.

Dahil maraming pwedeng pagmulan ang pangangati sa ari, ang payo ko ay magpatingin ka sa doktor diyan sa Japan upang matukoy kung ano ba talaga ang sanhi nito, para magamot ito. Mareresetahan ka rin niya ng cream na pwedeng ipahid (o kaya gamot na pwedeng inumin) upang mabawasan ang pangangati.