Q: doc, matagal na po hindi nakakaamoy…tapos yung sipon ko taon na po ang binilang…wala kasi po akong pera pam pakonsulta..

A: Ang kawalan o kabawasan sa pang-amoy ay isang medikal na kondisyon na kung tawagin ay ‘anosmia’. Maraming posibleng sanhi ang anosmia o kawalan ng pang-amoy, kabilang na dito ang ‘congestion’ o pagbabara sa ilong na siya namang maaaring dulot ng isang ‘polyp’ o laman na naka-usli. Posible rin na kung ikaw ay nagtatrabaho sa isang pabrika ng mga kemikal gaya ng pesticide ay maka-apekto din ito sa iyong pang-amoy. Isa paring posibilidad ay ang pagkabawas ng pang-amoy na dulot ng regular na pag-inom ng ilang mga klase ng gamot.

Ang pang-amoy ay may relasyon sa panlasa ng isang tao. Kung ito ay higit na sa isang taon, maaaring may bara sa ilong na siya ring sanhi ng sipon. Kung ganito ang kaso, hindi basta basta mawawala ang kondisyong ito, maliban na lang kung matanggal ang bara, gaya ng polyp, sa pamamagitan ng operasyon. Naiitindihan ko na wala kang perang magpakonsulta pero pwede mong subukang magpatingin sa mga pampublikong ospital gaya ng PGH kung saan libre ang konsulta upang masuri ang iyong kalalagayan.