Paano makaiwas sa myoma sa matris?

Sa kasalukuyan, wala pang natutukoy na mabisang paraan upang makaiwas sa myoma sa matris. Upang madali itong maagapan, magandang magpatingin sa doktor kapag ikaw ay nakakaranas ng mga sintomas na ating nabanggit.

Ang gamutan sa myoma ay nakadepende kung gaanong kalala ito. Sa mga kasong hindi naman malala, pwedeng bantayan na lang muna ang myoma. Kasi, kapag ang babae ay nag-menopause na, malaki rin ang posibillidad na lumiit o tuluyang mawala ang mga myoma.

Mga pwedeng inumin na gamot para sa myoma

Pero kung nakakasagabal ang mga sintomas, maaaring magreseta ang iyong doktor ng mga gamot na pwedeng inumin. Kabilang na dito sa mga gamot na ito ang Gonadotropin-releasing hormone (GnRH) agonists, androgens, at ilang uri ng mga IUD. Magpatingin sa iyong OB-GYN o iba pang doktor upang malaman kung anong klase ng gamot ang nararapat sa iyo

Habang hindi ka pa nakakapagpatingin, ang pag-inom ng mga pain reliever gaya ng Ibuprofen ay maaaring makatulong na mawala ang sakit o kirot, subalit hindi nito masusupil ang pagdudugo kung meron man.

Mga operasyon na pwedeng gawin para sa myoma

kung hindi parin makuha sa mga gamot na iniinom, ang mga myoma ay pwede ring gamutin sa pamamagitan ng operasyon at iba pang procedure. Ang inyong OB-GYN ang makakapagsabi kung alin sa mga ito ang akma sa iyong karamdaman. Narito ang ilan sa mga pwedeng gawin:

• Hysterectomy – Ang pagtatanggal ng buong matris. Kung wala ka nang planong magkaron ng anak, ito’y epektibo, at dahil tatanggalin na nga ang buong matris, hindi ka na makakaranas ng pagregla o pagdurugo.
• Myomectomy – Ang pagtanggal ng mga myoma sa matris. Ito’y isang uri ng operasyon kung saan aalisin ang mga myoma. May mga iba’t ibang technique rin para dito. Ang bentahe nito ay ang matris ay naroon parin at pwede mo pang subukang magdalang-tao. Subalit, may pag-asa rin na bumalik muli ang mga myoma.
• Bukod sa dalawang ito, may mga makabagong technique rin gaya ng uterine artery embolization, endometrial ablation, at iba pa. Muli, makipag-ugnayan sa inyong OB-GYN kung alin sa mga ito ang nararapat na gawin sa inyo.

Mga laboratoryo at eksaminasyon para sa myoma

Ang pag-gawa ng ultrasound ay ang pinaka-karaniwang paraan upang makita at ma-diagnose ang pagkakaron ng myoma. Ang mga myoma ay maaaring makita at masukat sa ultrasound. Ang ultrasound ay pwedeng ipasok sa pwerta ng babae upang makita ay matris (transvaginal ultrasound), at pwede rin naman ang ang probe ay itapat sa may puson (transabdominal ultrasound).

Minsan, kung komplikado ang kaso o hindi makita ng maayos sa ultrasound, may iba pang eksaminasyon na pwedeng gawin, gaya ng hysterosonography, na parang

ultrasound rin pero may nilalagay na ‘saline solution’ sa matris, o kaya hysteroscopy, kung saan may ipapasok sa matris na maliit na parang telescope upang diretsahang makita ang matris.

Maraming kaso ng myoma sa matris na walang sintomas, ang kung ganito ang kaso, pwedeng hayaan na lang ito. Subalit ang myoma ang sanhi rin ng ilang nakakasagabal na sintomas, at dahil ito, ito’y isa sa mga karaniwang karamdaman na nakikita ng mga OB-GYN.

Mga sintomas ng myoma sa matris

• Pagbabago sa monthly period, kagaya ng dinudugo ng mas grabe, o kaya mas habang period, imbes na 3-4 na araw, tumatagal ng isang linggo o higit pa
• Masakit o makirot na pakiramdam sa bandang puson o pantog, o di kaya sa balakang o hita
• Mga pagbabago sa pag-ihi, kagaya ng mas madalas na pag-ihi, mahapding pag-ihi, parang hirap ilabas ang ihi, o parang binabalisawsaw
• Mga pagbabago sa pagdumi, partikular ang pagtitibi
• May masakit o makirot habang nakikipag-sex

Anong mga sintomas ay dapat ikonsulta sa doktor?

Alin man sa ating mga nabanggit, kung nakakasagabal sa’yo at hindi mawala-wala, ay maaaring ipatingin sa doktor. Ang mga sumusunod ay dapat din bigyang-pansin at kaagad ipatingin:

• Pagdudugo bukod sa mga monthly period
• Hirap na dumumi o umihi
• Biglaang paglala ng anuman sa mga sintomas na ating nabanggit