Paano makaiwas sa scabies o kurikong?

October 11, 2014 by

Iwasang dumikit sa sinumang may kurikong o sinumang nagrereklamo ng pangangati, at iwasan din ang mga kagamitan nito gaya ng mga damit, tuwalya at bed sheet.

Kung merong may kurikong sa isang bahay, tiyaking walang iba pang naninirahan sa bahay na meron din ito. Kung ang iyong asawa o partner ay may scabies, maaari mo ring gamutin ang sarili mo para sigurado kang hindi ka mahahawa nito.

Para sa pangmatagalang pag-iwas sa scabies, panatilihing maliinis ang mga kapaligiran, palaging napapaltan ang mga tela gaya ng bed sheet. At dahil skin-to-skin contact nga ito, iwasan ang casual sex o pakikipag-sex sa hindi mo kakilala. Maaari din kasing inuring na STD ang scabies sapagkat ito’y pwedeng makuha sa pakikipagsex.

Filed Under: Itanong kay Doc Tagged With: , , , , ,

Ano ang gamot sa scabies o kurikong?

October 11, 2014 by

Ang gamot sa scabies o kurikong ay ang pagpapahtid ng isang lotion gaya ng Permethrin o Ivermectin sa buong katawan, mula leeg pababa, at ang pagpapanatili ng lotion sa balat sa loob ng walong oras. Dahil dito, ang rekomendasyon ay ang paggamit ng lotion bago matulog.

Sa karaniwang kaso ng scabies, isang lagayan lamang ng lotion ay sapat na upang masupil ang sakit, subalit kung malala ang kaso, maaaring ireseta ng doktor ang isa pang pahiran makatapos ang isa o dalawang linggo.

Narito ang mas detalyadong gabay sa paggagamot ng scabies o kurikong:

1. Siguraduhing sapat ang dami ng lotion na ipapahid. Huwag kalimutang isama ang mga lugar gaya ng likod, paa (pati gilid ng mga daliri ng paa), mga daliri, at pati ang ari. Huwag din kalimutan ang mga kilikili, singit, at palibot ng utong.

2. Kung ang may kurikong ay isang sanggol, lagyan siya ng gwantes o mittens para hindi niya madilaan ang lotion. Kung ang may kurikong ay nagpapasuso o breastfeeding, hugasan muna ang mga suso bago magpadede, at mag-apply ulit ng lotion pagkatapos.

3. Hugasan ang mga damit, tuwalya, at mga bedsheets ng may kurikong sa mainit na tubig (lagpas sa 50 C), o kaya ibukod ito sa mga lalagyan ng hindi kukulang sa 72 na oras para mapatay ang mga surot.

Inaasahan na mawawala ang pangangati sa loob ng isa hanggang tatlong linggo. Magpatingin sa doktor kung hindi pa ito nawawala paglampas ng panahong ito.

Filed Under: Itanong kay Doc Tagged With: , , , ,

Paano malaman kung may scabies o kurikong?

October 11, 2014 by

Kalimitan, ang scabies o kurikong ay natutukoy base lamang sa mga sintomas ng pasyente, at hindi nangangailangan ng laboratory test. Ilan din sa mga bagay na magtuturo sa scabies ay ang kakulangan sa kalinisan sa kapaligiran, ang pagtira sa lugar o pagtulog sa kuwarto na maraming tao (halimbawa, mga dormitoryo o barko).

Titingnan din ng doktor ang balat na apektado na kurikong. Kalimitan, makikita din ang pagtuklap ng balat at maaari ding makita ang paghuhukay mismo ng surot o mite. Ngunit kahit wala ang mga senyales na ito, maaari paring matukoy ang pagkakaron ng scabies.

Filed Under: Itanong kay Doc Tagged With: , , , ,

Ano ang mga sintomas ng scabies o kurikong?

October 11, 2014 by

Ang pangunahing sintomas ng scabies o kurikong ay ang pangangati, na mas lumalala kapag mainit, at tuwing gabi. Pwede ring magkaron ng mga rashes sa bahagi ng katawan na may kurikong.

May mga bahagi ng katawan na mas madalas naapektuhan ng scabies. Kabilang na dito ang mga kamay, paa, kilikili, puwitan, binti, tiyan, at likod. Halos hindi nangyayari na ang mukha o ulo ay apektado.

Lumalabas ang mga sintomas ng scabies o kurikong makalipas ang 2 hanggang 6 linggo sa pagkakahawa nito.

Filed Under: Itanong kay Doc Tagged With: , , , ,