Q: ano po ba ang mabilis na pang lunas sa constipation?

Q: ano po ang gamot sa hirap sa pagdumi?

A: Ang pagtitibi, constipation, o hirap sa pagdumi, ay isang sintomas, hindi isang sakit, kaya ang lunas dito ay naka-depende sa anumang sanhi nito, subamit may mga pangkalahatang prinsipyo na maaaring gawin na mga taong may ganitong karamdaman:

Una, kumain ng mga prutas at gulay na mataas sa ‘fiber’. Tingnan ang listahan ng mga pagkain na mataas sa fiber sa Kalusugan.PH. Ang fiber sa pagkain ay nagpapalambot ng iyong dumi.

Uminom ng maraming tubig. Baka kaya matigas ang iyong dumi ay dahil kulang ka sa tubig.

Maaaring kang maresetahan ng gamot ng iyong doktor na ang tinatawag ay mga ‘laxative’ – ang iba dito ay pwedeng inumin; ang iba naman ay sinsundot sa puwet at ang tawag ay mga ‘suppository’. Ito ay para lamang sa mga sitwasyon na hindi tumatalab ang mga ibang solusyon, at dapat magpatingin muna sa doktor bago gumamit ng mga ito.

Magpatingin kaagad sa doktor kung may kasamang pagdudugo, sakit ng tiyan, pagbabago ng kulay ng dumi, at iba pang sintomas at pagtitibi.