Q: Makati ba ang rashes nang may dengue fever?

A: Oo, maaaring maging makati ang rashes ng dengue fever. Subalit, mahalagang idiin na ang pagkakaron ng rashes ay hindi nangangahuugang dengue fever na kaagad, sapagkat maraming ibang karamdaman na maaaring maging sanhi ng rashes.

Dalawa ang uri ng rashes sa dengue. Una, ang rash na maaaring lumabas sa ikatlong araw ng pagkakasakit. Ito’y lumalabas sa mukha, sa dibdib at tiyan, at sa mga bahagi ng braso’t kamay nasa parehong panig ng palad.

Pangalwa ang rashes na maaaring lumabas kapag wala na ang lagnat. Parang tidgas ang itsura ng rash na ito, at ito ang karaniwang makati. Muli, maraming katulad na karamdaman ang pwedeng maging sanhi ng ganitong uri ng sintomas.

Kung nangangati sa rash na dengue, pwedeng magpahid ng lotion na gaya ng Calamine, o kaya mga antihistamine gaya ng diphenhydramine. Subalit, kung nagsususpetsa ng dengue o rashes na sanhi ng dengue, dapat magpakonsulta sa iyong doktor upang magabayan ng maayos.