Ang susi para maiwasan ang anumang kondisyon na makakaapekto sa pagdumi ay ang malusog at aktibong pamumuhay. Ang ilan sa mga hakbang na makakatulong na makaiwas sa pagkakaroon ng constipation ay ang sumusunod:

• Balanseng pagkain araw-araw. Kailangang masustansya at mayaman sa mga mahahalagang bitamina at mineral ang mga pagkaing kinakain. Bukod dito, dapat ay mayroon ding sapat na fiber sa kinakain.
• Sapat na tubig araw-araw. Makakatulong na mapadali ang pag-dumi kung sapat ang tubig sa katawan.
• Regular na ehersisyo. Kinakailangan ang aktibong pamumuhay upang mapanatiling malusog ang mga kalamnan.
• Huwag pipigilin ang pag-dumi. Sa oras na maramdaman ang pangangailangan sa pag-dumi, huwag itong pigilan. Huwag din naman itong mamadaliin. Dapat ay natural itong lumalabas sa katawan.
• Umiwas sa mga pagkaing maaaring magdulot ng constipation. Para sa mga taong may lactose intolerance, ang gatas ay maaring maging sanhi ng pagtigas ng tae at hirap sa pagdumi.

Bago simulan ang pag-inom ng gamot, makakatulong na sundin muna ang natural na pamamaraan upang maalis ang constipation. Ang mga hakbang na makakatulong ay ang sumusnod:

• Uminom ng karagdagang tubig araw-araw. Ang walong baso ng tubig kada araw ay maaaring dagdagan ng 2 hanggang 4 pang baso.
• Uminom ng maligamgam na tubig lalo na sa umaga
• Kumain ng mas maraming prutas at gulay. Ang mga prutas at gulay na mayaman sa fiber ay makakatulong sa mas mabilis na paglabas ng dumi.
• Mag-ehersisyo araw-araw. Ang karagdagang aktibidades ay makakatulong sa paggalaw ng mga muscles sa tiyan na makakatulong palabasin ang dumi.
• Huwag magpipigil ng pag-dumi. Kusang palabasin at huwag mamadaliin ang nararamdamang pagdudumi.

Makakatulong din ang pag-inom ng gamot o laxative upang masguminhawa ang pakiramdam at mapadali ang paglabas ng dumi. Tandaan lamang na kailangan ang gabay ng doktor sa pag-inom ng laxatives sapagkat kung mapapabayaan, maaring lumala ang kondisyon. Ang mga kadalasang epekto ng laxatives na gamot ay ang sumusunod:

• karagdagang laman at bigat sa dumi.
• gawing basa ang natutuyong dumi
• padulasin upang mas madaling mailabas
• palambutin ang tumigas na dumi
• Mag-stimulate ng pakiramdam ng pagdudumi

Sa mga malalang kaso at kung hindi umeepekto ang mga gamot na iniinom, maaaring magsagawa ng operasyon o surgery upang mailabas ang namuo at nanigas na dumi sa colon. Tandaan na ang dumi na hindi makalabas sa sistema ng tao ay makakasama.

Ang pagkakaranas ng constipation ay kadalasang hindi na nangangailangan ng masusing pagsusuri at mga eksaminasyon upang matukoy. Kadalasan, nalalaman na ito kahit pa hindi na magpatingin pa sa doktor. Ngunit kung ang sintomas na nararanasan ay seryoso, halimbawa ay hindi makadumi sa loob ng dalawang linggo, maaring dapat nang magpatingin sa doktor upang matukoy ang sanhi ng constipation.

Maaaring magsagawa ng sigmoidoscopy kung saan may pinapasok na tubo at ilaw sa butas ng puwit upang masilip at masuri kung may problema sa rectum at large intestine. Kung hindi ito sapat upang matukoy ang sanhi ng constipation, maaaring magsagawa ng colonoscopy, pagpasok ng tubo na may camera sa butas ng puwit, upang mapag-aralan nang buo ang colon. Pinag-aaralan din ang galaw ng mga muscle sa colon gamit ang eksaminasyon na anorectal manometry. Ang iba pang pasusuri na maaaring isagawa ay X-ray at barium tests.

Ang mga sintomas na maaaring maranasan sa pagkakaroon ng constipation ay ang sumusunod:

• Bihirang pagdumi. Mas mababa sa tatlong beses ang pagdudumi sa isang linggo.
• Matigas na tae
• Pakiramdam na hindi kumpleto ang inilabas na dumi
• Matigas at nananakit na tiyan
• Pagsusuka
• Pakiramdam na parang may nakabara sa labasan ng dumi

Kailan dapat magpatingin sa doktor?

Makabubuting magpatingin sa doktor kung nagpapabago-bago ang nararanasang pagdudumi at kung nararanasan ang mga sintomas na nabanggit. Kung matagal nang nararanasan ang hirap sa pagdumi, makabubuti rin na kumonsulta sa doktor. Lalong kinakailangang magpatingin kung nagsimula nang maranasan ang mga komplikasyon na dulot ng hirap sa pagtae.

Constipation ang tawag sa kondisyon kung saan nakakaranas ng hirap sa pagtatae o kaya naman ang pagtatae ay bibihira lamang maramdaman. Dahil sa kondisyong ito, ang dumi na naiipon sa bituka o large intestine ay nagiging matigas at tuyo at lalong mahirap ilabas. Ang pagkakaranas ng constipation o hirap sa pagtatae ay maaaring dulot ng ilang mga bagay tulad ng pag-inom ng gamot, pagkakaroon ng ibang sakit, o kaya naman problema sa mga muscle at nerves sa paligid ng colon o large intestine. Bagaman ito ay hindi masyadong seryosong sakit, nakapagdudulot pa rin ito ng di kumportableng pakiramdam o kaya’y pananakit ng tiyan.

Sino ang maaaring makaranas ng constipation?

Dahil ito ay isang karaniwang kondisyon, ang lahat ng tao ay maaaring makaranas ng hirap sa pagtae, ngunit ito ay pinakamadalas sa mga kababaihan at mga matatanda.

Ano ang mga sanhi ng constipation?

Ang hirap sa pagtatae ay maaring dulot ng ilang mga bagay. Ang mga karaniwang dahilan ay ang sumusunod:

• Hindi sapat na iniinom na tubig
• Hindi sapat na fiber sa kinakain
• Pagbabago sa oras ng pagkain
• Kakulangan sa ehersisyo at mga gawain
• Stress
• Pagpipigil sa nararamdamang pagtae
• Depresyon

Maaari din namang dulot ng ibang kondisyon o karamdaman ang hirap sa pagdumi. Narito ang ilan:

• Hypothyroidism
• Mga sakit na neurological, tulad ng Parkinson’s disease at multiple sclerosis
• Diabetes
• Colon Cancer
• Pagbubuntis

Ang iba pang mga dahilan ng hirap sa pagtae ay ang sumusunod:

• Sobrang pag-inom ng gamot gaya ng narcotics, antidepressants, at iron supplements
• Sobrang pag-inom ng antacids na may calcium o aluminum
• Sobrang pag-inom ng laxatives

Ano ang mga komplikasyon na dulot ng constipation?

Ang pagkakaranas ng constipation ay maaaring magdulot ng ilang komplikasyon na siya namang dahilan ng di kumportableng pakiramdam. Ilan sa mga komplikasyon na maaaring maranasan ay ang sumusunod:

• Almoranas
• Pagkapunit ng butas ng puwit (anal fissure)
• Hindi mailabas na dumi (fecal impaction)
• Pamamaga ng mga ugat sa paligid ng butas ng puwit.