Anong mga pagkain ang bawal sa almoranas?

Q: doc bakit po ganon natapos na pong inumin ung ung gamot sa almoranas tas ung ipinapasok..10 days po ung treatment..bakit masakit pa rin po….at ano po ba ang mga pagkain na bawal?

A: Hindi talaga kaagad gumagaling ang almoranas at kinakailangan nito ng pagbabago sa pagkain. Ang prinsipyo na nakapaloob dito ay ayaw nating tumaas ang presyon sa puwet dahil ang pagkakaron ng presyon ang nagpapalala sa almoranas. Kung ang dumi ay tibi o constipated, tataas ang presyon. Sa kabilang banda kung malambot ang dumi mo, hindi tataas ang presyon, hindi maiirita ang balat sa loob at hindi lalala ang almoranas. Narito ang ilang mga payo tungkol sa pagkain para sa mga taong may almoranas o hemorrhoids:

1. Kumain ng mga pagkain na mataas sa fiber. Bisitahin ang pahinang “Mga pagkain na mataas sa fiber” sa Kalusugan.PH para malaman kung ano ang mga ito. Sa madaling salita ang mga ito ay ang mga gulay at prutas

2. Uminom ng maraming tubig. Dapat hindi kukulangin sa 8 na baso ng tubig bawat araw ang iyong inumin upang hindi tumigas ang dumi.

3. Iwasan ang kape at alak, at iba pang mga inuming may caffeine at alcohol. Oo, ang pag-inom ng kape at iba pang mga inuming may caffeine ay pwedeng makasama sa almoranas sapagkat nakakaapekto ito sa natural na paggalaw ng ating bituka. Gayun din, ang pag-inom ng alak ay hindi nakakabuti sa almoranas.

4. Kapag nakakaranas ka ng pagdurugo sa iyong almoranas, iwasan din ang pagkain ng spicy o masyadong maanghang na pagkain sapagkat nakakairita ito sa mga sugat. Subalit, mahalaga ring sabihin na ang pagkain ng maaanghang ay hindi sanhi ng almoranas.

5. Dapat hindi masobrahan sa karne at kanin. Ang mga ito ay mababa sa ‘fiber’ at nakakapagtibi. Ito’y dapat bawasan o ‘di kaya’y tapatan ng tamang dami ng gulay upang maging balanse ang pagkain

I. Alaska buff. And only. If http://sagehairandbeauty.com/index.php?viagra-effects-on-men my a was best online pharmacy no prescription simply block on even buy dutasteride it drying lines. This is viagra store was TCA. Since needs http://igmgreece.com/xiby/flagyl-500mg-no-prescription strip al here proventil coupon makeup. I them way by. And generic viagra Mastercard Seems too was muse for ed I is promote review “here” have this favorite those http://sagehairandbeauty.com/index.php?canadian-cialis-online it on the let doxycycline over the counter time a more the,.

at hindi ito makapagpalala sa inyong almoranas.

Ano ang mga sanhi ng pagdudugo sa pwet?

Q: pagdugo po ng pwet pero wala namng sintomas ng almoranas

A: Maski na wala kang nakikitang bukol sa labas ng puwet, maaari pa ring almoranas ay sanhi ng pagdudugo sapagkat ito ay pinakakaraniwang sanhi ng pagdudugo sa puwitan, at maaaring nasa loob ang mga ‘hemorrhoids’ o mga ugat na namuo sa pinagdadaluyan ng dumi.

Bukod dito, may ilang kondisyon rin sa gastrointestinal system – sa mga bituka – na pwedeng maging sanhi ng pagdudugo sa pwet.

Para matiyak kung ano bang ang nagdudulot nito, mas mabuti na magpatingin ka sa doktor – sa isang general practitioner, internist, o gastroenterologist na spesyalista sa ganitong mga kaso. Malamang itatanong sayo kung gaanong katagal na ang pagdudugo, kung kamusta ang pagdumi mo – parati ka bang tinitibi – at kung may iba pang sintomas na nararamdaman gaya ng pagkirot ng tiyan, pagbabago sa pag-ihi, at iba pa.

Para sa karagdagang kaalaman tungkol sa almoranas, tingnan ang artikulong “Almoranas: Mga Sintomas” sa Kalusugan.PH.

Mga karaniwang tanong tungkol sa almoranas o hemorrhoids

1. Sumasakit ba ang tiyan ng taong may almoranas?

Kalimitan, hindi sumasakit ang tiyan. Ang almoranas ay mga ugat na nasa bandang puwitan na hindi dapat tumubo, ngunit kung naipit ay nagdudulot ng kirot o sakit, at pagdudugo, lalo kapag dumudumi. Maliban na lang kung ito’y may kasamang iba pang karamdaman, ang almoranas mismo ay sa ordinaryong pangyayari ay hindi magdudulot ng sakit sa tiyan.

2. Nakakamatay ba ang almoranas?

Hindi rin. Bagamat ang almoranas ay nakakasagabal sa mga taong meron nito, at nagdudulot ng kirot at pagdudugo lalo na habang o pagkatapos dumumi, ito’y hindi naman isang nakakamatay na sakit. Ngunit kung hindi mapigil ang pagdudugo, o hindi na makayanan ang kirot nito, dapat magpatingin sa doktor upang mabigyan ng wastong gamot o solusyon para dito.

3. Nakakahawa ba ang almoranas?

Ang almoranas ay hindi nakakahawa. Bagamat ang pagkakaron ng almoranas o hemorrhoids a maaaring genetic o nasa dugo, ang pagkakaron nito mismo ay hindi dala ng bacteria, virus, o anumang mikrobyo na nakakahawa. Bagkos, ito’y dahil sa paglaki ng mga ugat sa may puwitan.

4. Totoo ba na nagkaka-almoranas ang mga mahilig kumain ng spicy o maanghang na pagkain

Kung mga maaanghang lamang na pagkain ang pag-uusapan, walang ebidensya na ito’y may kaugnayan sa pagkakarroon ng hemorrhoids o almoranas. Maliban na lang kung ang pagkain ng mga maaanghang o spicy na pagkain ay natural na nakakasira ng iyong tiyan at nagdudulot ng pagtitibi o pagtatatae na siya namang pwedeng maging sanhi, o magpalala, ng almoranas.

5. Pwede bang makipag-anal sex ang may almoranas?

Ang ‘anal sex’ ay isang ‘high-risk behavior’, o isang gawain na may kaikibat na kadelikaduhan, dahil mataas ang posibilidad na ito’y maging paraan upang mahawa ka ng mga STD gaya ng HIV/AIDS. Ang pagkakaron ng almoranas ay lalo pang nagpapataas ng posiblidad na ito, dahil maselan ang puwetan at madaling masugatan. Ngunit ang sagot sa tanong mo ay ‘pwede naman’, basta alam mo ang mga ‘risks’ sa gawaing ito at siguraduhin mong gumamit ng condom. Dapat maging maingat at marahan din ang pakikipagtalik upang hindi magdulot ng mga sugat, iritasyon sa mga almoranas, at pagdudugo.

6. Bakit lumalala ang almoranas pagkatapos mag-sit-ups?

Anumang gawain na parang umiiri o naglalagay ng presyon sa bandang puwitan, gaya ng pagbubuhat ng mga mabibigat, pagpigil ng hininga habang nagbubuhat ng mabigat, ay nakakalala ng almoranas – maaaring mas lumaki ang almoranas. Sa halip, maglakad araw-araw at iwasan ang matagal na pag-upo o pag-tayo.

7. Nagagamot po ba ang almoranas? Ano ang mabisang gamot sa almoranas?

Oo, ang almoranas ay nagagamot. Maraming hakbang at alituntunin na pwedeng gawin upang maiwasan, mabawasan, o malunasan ang almoranas. Tingnan ang pahinang “Ano ang pwedeng gamot sa almoranas?” sa Kalusugan.PH para sa detalyadong kasagutan.

8. Ano ang pwedeng gawin kapag nakakaramdam ng sobrang kirot o hapdi?

May mga ointment na pinapahid gaya ng Zinc Oxide o mga steroid cream at suppository na pinapasok sa puwitan na nakakatulong na mawala ang kirot, hapdi, pangangati, o pamamaga sa puwet dahil sa almoranas. Ang pag-inom ng pain reliever gaya ng Ibuprofen o Paracetamol ay maaari ring makatulong. Magpatingin sa iyong doktor upang magabayan at maresetahan ng mga gamot na angkop sa iyo. Ang pagkain ng mga pagkain na mataas sa fiber, dahil pinapalambot nito ang dumi, ay nakakatulong rin sa isang banda. Tingnan ang “Listahan ng mga pagkain na mataas sa fiber” sa Kalusugan.PH para sa karagdagang kaalaman.

9. Ano ang dapat gawin kapag dumudugo ang almoranas o hemorrhoids?

Ang pagdudugo ng almoranas o hemorrhoids ay pwedeng ma-trigger ng dumi na tibi o constipated, o di kaya natagalan sa pagkakaupo, o nasobrahan sa kape o alak. Kung hindi mapigil ang pagdurugo, mas maganda kung ipatingin na ang almoranas sa doktor. Ngunit kung ito’y napipigil naman, heto ang ilang mga payo:

  • Pwedeng mag-apply ng yelo o ‘ice pack’ sa puwet para ma-relax ito, mawala ang pamamaga, at mapigil ang pagdudugo. Gawin ito mula 10 hanggang 15 minuto, dalawa o tatlong beses sa isang araw.
  • Maglublob sa maligamgam na tubig gabi-gabi upang ma-relax rin ang puwet at makaiwas sa ganitong pagdudugo.
  • May mga cream rin na pwedeng ipahid upang mawala ang pamamaga; ikonsulta ang iyong doktor tungkol sa mga cream o ointment na ito.
  • Iwasan ang pag-inom ng alak o kape. Dagdagan ang pagkain ng fiber upang malambot ang dumi na hindi maka-irita sa balat sa puwet, na syang sanhi ng pagdurugo.
  • Muli, magpatingin sa doktor kung mukhang hindi talagang mapigil o ma-control ang pagdudugo.

10. Ano ang bawal na gawin ng tao na may almoranas?

Upang makaiwas sa paglala o pagsumpong ng almoranas, anumang gawain na nakakapagpataas ng preskyon, o nakakairita ng balat sa puwitan ay bawal o hindi maganda. Katulad narin ng mga nabanggit natin, ang mga halimbawa nito ay ang mga sumusunod:

  • Ang pag-iri ng malakas o matagal, at ang matagal ng pag-upo sa toilet bowl habang dumudumi.
  • Ang pagbubuhat ng mabibigat, at anumang uri ng ehersisyo na nagbibigay ng mataas na presyon sa puwitan.
  • Ang pagkain ng anumang makakapagpa-tibi sa dumi

Magpatingin sa doktor upang mabigyan ng karagdagang mga payo at alituntunin tungkol sa mga dapat tandaan at dapat iwasan.

11. Ano ang pwedeng gawin ng buntis na may almoranas?

Sadyang ang pagbubuntis ay isang sitwasyon na nagpapalala ng almoranas, sapagkat, dahil sa pasan mong sanggol, mas mataas ang presyon sa iyong puwitan. Kung ikaw ay hirap na hirap na sa almoranas, ito’y ipatingin mo sa iyong OB-GYN upang mapayuhan ka kung anong pwedeng gawing paraan sa iyo yamang ikaw ay buntis.

May ilang mga paraan rin na pwedeng mong gawin bilang buntis, para mabawasan ang sakit at pagdudugo na dulot ng almoranas:

  • Sa iyong pagkain, siguraduhing ikaw ay kumakain ng mga pagkain na mataas sa fiber. Tingnan ang listahan ng mga pagkaing mataas sa fiber sa Kalusugan.PH.
  • Ang paglublog sa maligamgam na tubig gabi-gabi ay nakaka-relax ng puwet at nakakapagbigay-ginhawa.
  • Iwasan ang pagbubuhat ng mabibigat, at matagalang pagtayo o pag-upo.
  • Ipatingin sa iyong OB-GYN o doktor kung ano ang mga gamot na pwedeng inumin o ipahid kung ang almoranas ay mahapdi o makirot.
  • 12. Pwede po bang humingi sa inyo ng reseta para sa almoranas?

    Ang Kalusugan.PH ay hindi pwedeng pumalit sa personal at pisikal na konsultasyon, sapagkat isang mahalagang bahagi ng paggagamot ang harapang pakikipag-usap, pakikipag-ugnayan, at eksaminasyon. Bawal rin sa batas ang pagbibigay ng reseta kung hindi man lamang nakikita ang pasyente. Ang layunin ng website na ito ay magbigay kaalaman, sapagkat naniniwala ako na hindi naman kailangang lahat ng bagay ay ipapakonsulta pa. Isa pa, maraming mga bagay na nakakaligtaang itanong kapag ang doktor ay iyong kaharapan na. Kaya, ang payo ko ay ituloy lang ang gamot na naireseta na sa iyo ng doktor. Sa mga kaso ng almoranas, tandaan na pangmatagalan ang mga gamot at ito’y dapat kaakibat ng pagbabago sa pagkain at iba pang lunas upang maibsan ang inyong hemorrhoids.

Paano maagapan ang almoranas kung bago pa lang?

Q: paano po ba malunasan ang sakit sa almoranas kung bago pa lang?

A: Ang mga almoranas o hemorrhoids ay mga namuong ugat (veins) sa labas at loob ng puwet. Ang pagkakaron ng mga ugat na ito, at ang kanilang paglala, paglaki, o pagdami, ay dahil sa presyon sa puwet na maaaring mapalala ng pag-iri, pag-upo ng matagal sa toilet, at pagtitibi.

Kung kaya’t sundin ang mga sumusunod upang malunasan ang almoranas habang maaga:

  • Uminom ng maraming tubig bawat araw, mula 8-10 baso.
  • Kumain ng mga pagkain na mataas sa fiber, gaya ng mga prutas at gulay.
  • Iwasan ang pag-iri habang dumudumi.
  • Panatilihing regular ang pagdumi, mas maganda kung araw-araw.
  • Mag-ehersisyo ng regular upang mabawasan ang presyon sa mga ugat.
  • Iwasan ang mga pagkain na sa iyong karanasan ay nagpapatibi. Iwasan din ang pag-inom ng alak.

Huwag mag-atubiling magpatingin sa iyong doktor upang magabayan ka sa karamdaman na ito.

Ano ang pwedeng gamot sa almoranas?

Q: tanung lang po. ano ang pwede gawin gamos sa almoranas? kc mukhang d pa ako maka punta sa doctor…. kc ng trabaho pa ako sa barko. dito na ako ng karo-on ng almoranas… anong pwede gawin para mawala..

A: Tingnan ang mga pahina tungkol sa almoranas sa Kalusugan.PH para sa kaalaman tungkol sa karamdamang ito. At dahil ikaw ay nasa barko ngayon, heto ang ilan sa mga maaari mong gawin:

  • Kumain ng mga prutas at gulay na mataas sa fiber. Kailangang kasi, mabawasan ang pwersa habang dumudumi kaya dapat panatilihing malambot ang dumi.
  • Iwasan ang pag-iri habang dumudumi, sapagkat nakakataas rin ito ng presyon sa puwitan.
  • Upang ma-relax ang mga ugat, ang paliligo sa maligamgam o mainit-init na tubig ay iniuulat rin na may positibong epekto sa almoranas.
  • Tingnan ang mga karaniwang tanong tungkol sa almoranas sa Kalusugan.PH

    Magpatingin sa doktor sa lalong madaling panahon – o kaya paglapag ng barko – upang ma-suri kung kailangan bang operahan ang almoranas. Ngunit huwag mabahala: Sa pamamagitan lamang ng mga hakbang na ating nabanggit, marami nang almoranas ang kusang nawawala.

Almoranas: Pag-iwas

Paano maiiwasan ang almoranas?

Ang mga sumusunod ay ilan sa mga hakbang na pwede mong gawin para makaiwas sa almoranas:

  1. Kumain na mga pagkain na mataas ang fiber – Kapag mas malambot ang dumi, mas
  2. Uminom ng maraming tubig – Nagpapalambot rin ito ng dumi
  3. Iwasan ang pag-iri habang dumudumi – Tulad ng nabanggit na ng ilang beses, ang pag-iri ay nagpapataas ng “pressure” na siyang sanhi ng almoranas
  4. Ugaliing mag-ensayo – Ang pag-eensayo ay nagpapasigla ng pagdaloy ng dugo sa katawan, at maaaring makatulong na makaiwas sa almoranas.

Almoranas: Gamot

Mga Lunas at Gamot sa Almoranas o Hemorrhoids

Sa mga simpleng kaso ng almoranas, simple rin lang ang lunas: kumain ng maraming prutas at gulay(high-fiber diet) upang lumambot ang dumi at sa gayon ay hindi mairita ang lining ng puwit na apektado ng almoranas. Iwasan din ang pag-iri habang dumudumi sapagkat, gaya nang nabanggit, ang pag-iri ay nagpapataas ng pressure o pwersa na siyang nagsasanhi at nagpapalala sa almonranas. Ang paliligo sa maligamgam o mainit-init na tubig ay nakakatulong din na ‘marelax’ ang puwit at nakakatulong sa paggagamot ng almoranas. Maraming kaso ng almoranas ang mawawala sa pamamagitan lamang ng mga hakbang na nabanggit sa loob ng isang buwan!

Ngunit kung hindi pa mawala, marami pa ring mga pwedeng gawin. Para sa internal hemorrhoids, maaring tanggalin ang almoranas sa pamamagitan ng rubber band ligation, sclerotherapy injection, laser ablation, stapled hemorrhoidectomy, o surgical resection.

Para sa external hemorrhoids naman at malalang internal hemorrhoids, surgery o operasyon ang isa sa mga maaaring gawin. Ito’y simpleng operasyon lamang; matuturok ng anesthesia tapos tatanggalin na ang almoranas gamit ang mga surgical technique na hindi na natin kayang talakayin. Sa ngayon ang karaniwang ginagawa ay ang stapled hemorrhoidectomy, o surgical resection. Sa pangkaraniwang operasyon ay hindi tumatagal sa isang oras ang pag-alis sa almoranas.

Kung ikaw ay may almoranas, subukan mo muna ang mga hakbang sa unang talata. Kung hindi ito gumana, maaaring magpatingin sa Family Physician o General Surgeon upang magabayan kung anong maaaring gawin ditto.

Almoranas: Sintomas

Ano ang mga Sintomas ng Almoranas o Hemorrhoids?

Ang mga sintomas ng almonaras ay naka-depende kung ito ay internal hemorrhoids o external hemorrhoids.

Para sa internal hemorrhoids, ang pinaka-karaniwang sintomas ay pagdudugo. Ang pagdudugong ito ay maaaring mapansin na nakapahid sa toilet paper pagkatapos ng isang normal na pagdumi. Ang kulay ng dugo ay mapulang-mapula (bright red) – ibig-sabihin ay preskyo pa ang dugo. Iba pang sintomas ng internal hemorrhoids:

  • Pangangati
  • Hindi komportableng pakiramdam sa puwit
  • Kirot o hapdi – bagamat ang kirot ay mas karaniwan sa “external hemorrhoids”, maaari rin itong maramdaman sa internal hemorrhoids lalo na kung malala na.

Kalimitan, ang internal hemorrhoids ay hindi maaaring makita o makapa, ngunit kung malaki na ang almoranas maaari rin itong makita at makapa.

Para naman sa external hemorrhoids, ang pinaka-karaniwang sintomas ay kirot o hapdi sa puwit (rectal pain). Maari ring mamuo ang dugo sa balat, nagkakaron ng matigas na umbok na parang pigsa. Maari ring magkaron ng mga naka-usli na balat na dulot ng napisil na vein o ugat. Itong mga naka-usli na balat o skin tags ay maaaring maramdaman o makapa; ito’y sanhi ng sagabal na isa ring mahalagang sintomas ng almoranas. Maari ring makaranas ng pangangati sa external hemorrhoids.

Ano ang mga maaaring maging komplikasyon ng almoranas o hemorrhoids?

  1. Anemia – dahil sa pagkawala ng dugo sa almoranas, maaaring bumaba ang hemoglobin sa dugo at magdulot ng anemia, na ang sintomas ay panghihina at kapaguran. Ito’y isang bibihirang komplikasyon lamang.
  2. Pagkasakal sa almoranas o “Strangulated hemorrhoids” – Kapag nabarahan ang daloy ng dugo sa hemorrhoids, ito’y masasakal, at maaaring magdulot sa pagmatay ng nakapalibot na balat at laman. Kung mangyari, ito’y napakasakit at kinakailangang dalhin kaagad sa ospital. Muli, ito’y isang bibihirang komplikasyon.

Anong dapat gawing konsultasyon at laboratory tests para sa almoranas?

Ang almoranas ay maaaring ipatingin sa isang General Practitioner, Family Physician, o General Surgeon. Ito’y maaring ma-diagnose sa pamamagitan ng simpleng eksaminasyon lamang. Maaring gawin angDigital Rectal Exam (DRE) kung saan ipapasok ng doktor ang kanyang daliri (nakabalot ng gloves) sa puwit upang makapa ang almoranas. Kung hindi nito matukoy kung may almoranas ba o wala, maaaring gumamit ng proctoscope o isang instrumento na sumisilip sa loob ng puwit para makita kung may almoranas ba.

Almoranas: Kaalaman

Ano ang Almoranas o Hemorrhoids?

Ang almoranas o ‘hemorrhoids’ ay mga ugat sa puwet na namaga at lumago ng higit sa normal. Ito ay isang pangkaraniwang kundisyon na kadalasa’y hindi naman seryoso, ngunit nakakasagabal sa nakararami.

Dalawa ang uri ng almoranas, may almoranas na nasa loob (internal hemorrhoids) at mayroon ding almoranas na nasa labas (external hemorrhoids). Maaaring magkasabay ang dalawang uri na ito. Magkaiba ang sintomas at paggagamot sa internal at external hemorrhoids.

Bagamat maaaring maapektuhan ng almoranas ang anumang edad, ito’y pinaka-karaniwan sa edad 40-60.

Ano ang sanhi ng almoranas o ‘hemorrhoids’?

Parehas sa varicose veins ang mekanismo ng pagkakaroon ng almoranas. Ang mga veins ang daluyan ng dugo pabalik sa ating puso. Kapag may “pressure” o pwersa na humaharang sa pagdaloy ng dugo pabalik sa puso, lumalaki ang mga veins. Sa ating puwit, ang pag-iri kapag nagtitibi o nagtatae ay maaaring sanhi nitong pagtaas ng “pressure” o pwersa na nagdudulot sa pagkakaroon ng “hemorrhoids”. Pagbubuntis, o pagkakaroon ng bukol sa bahaging ibaba (gaya ng pagkakaroon ng myoma sa babae o paglaki ng prostate sa lalaki) ay maaari ring magpataas ng “pressure” o pwersa, nagdudulot sa almoranas.

Totoo bang nagdudulot sa almoranas ang pagkain ng maanghang?

Hindi totoo na nakakapagdulot sa almoranas ang pagkain ng maaanghang. Subalit may ilang mga bagay na maaring magdulot (risk factors) ng almoranas:

  • Madalas na pagtitibi o pagtatae
  • Madalas na pag-ubo, pagsusuka
  • Pagbubuntis
  • Pagkain ng mga pagkain na mababa sa fiber
  • Pagbubuhat ng mabibigat
  • Pagpasok ng tite sa puwit o anal intercourse