Ano ang gamot sa balisawsaw?

Q: Bakit po mayat maya ang pag ihi ko pabalik-balik po ako sa CR. Madami naman po ako uminom ng tubig? THanks po doc.

A: Hindi ko maaaring ipaliwanag kung ano talagang nararamdaman mo dahil hindi kita na-examine, ngunit maaari kitang bigyan ng kaalaman tungkol sa balisawsaw, na siyang karaniwang tawag sa iyong inilalarawan na maya’t mayang pag-ihi.

Ang balisawsaw ay isang salita na matagal nang ginagamit; maski ang mga diksyunaryo noong ika-16 na siglo ay nagbanggit nito. Walang eksaktong katumbas ang salitang ito sa ingles ngunit malapit dito ang terminong ‘dysuria’ (hirap na pag-ihi) at ‘urinary frequency’ (madalas na pag-ihi).

Maaaring ang balisawsaw ay dulot ng pagbabago sa tubig at ‘electrolytes’ sa katawan, na siya namang dala ng kakulangan sa tubig, o pagkawala ng tubig sa pawis o init. Kung ito lamang ang dahilan, uminom ng maraming tubig at iwasan ding kumain ng maalat na pagkain. Ang karaniwang mga kaso ng balisawsaw ay nawawala sa loob ng 1-3 araw.

Subalit pwede ring ang balisawsaw ay sintomas ng mga karamdaman gaya ng UTI, lalo na kung may kasama pang ibang sintomas gaya ng pagkirot sa may pantog, pag-iiba ng kulay ng ihi, at iba pa. Magpatingin sa doktor kung ito ay kaso upang maresetahan ng gamot.

Dugo sa ihi: Anong ibig-sabihin?

Q: Bakit po pag umiihi ako may lumalabas po na dugo. 2 years na po kami nagsasama ng partner ko sigurado po ako na walang ibang lalaki ung kinakasama ko. at ganun rin ko po ako, ngayon po naapektuhan din yung partner ko, nahihirapan sya umihi Salamat po.

A: Maraming pwedeng maging sanhi dugo o pamumula sa ihi, na tinatawag na “hematuria”, kabilang na ang mga sumusunod:

Kung pula ang kulay ng ihi mo, kailangan mong magpatingin sa doktor upang ma-tukoy kung alin nga ba sa mga ito ay nagdudulot ng pagdudugo. Gaya ng nabanggit natin, ang STD o mga sakit na nahahawa ay ilan namang sa mga pwedeng sanhi nito.