Pampalaki ng Ari ng Lalaki: Ang Katotohanan

Dahil narin siguro sa impluwensya ng “pop culture”, maraming kalalakihan ang naghahangad ng mas malaking titi o ari; at dahil dito, napakaraming produkto ngayon ang inaalok na pampalaki DAW ang ari ng lalaki (penis enlargement). Ang iba sa mga produkto ay mga tableta; ang iba ang mga “pump”, at iba pa ay mga “exercises” na kapag ginawa mo raw ay lalaki ang iyong ari ng kung ilang inches o pulgada.

Ang totoo, wala sa mga ito ay may katibayan na gumagana! Sa kasaluyukan, wala pang “pampalaki ng ari ng lalki” ang napatunayan na mabisa, gamit ang mga “scientific” na paraan. Magpunta ka sa urologist o kahit sinong kagalang-galang na doktor at lahat sila’y magsaasabi na “walang kwenta” ang mga inaalok na produktong ito. Huwag magpaloko!

Ang delikado pa, maaari lang makasira sa iyong ari ang iba sa mga produktong ito. At nawalan ka pa ng pera dahil sa pagbili ng mga ito. Sa makatuwid, huwag basta basta maniwala sa iba’t ibang mga produktong inaalok.

Read More

Ngunit narito narin naman tayo sa paksang ito. Bakit nga ba gugustuhin ng isang lalaki na palakihin pa ang kanyang ari? Baka sa tingin nya, maliit ang ari nya. Ngunit masasabi lang niya na maliit ang ari nya kung alam nya ang “average” o karaniwang haba o laki ng ari ng mga lalaking Pilipino.

Ano ba ang karaniwang haba o laki ng ari ng lalakeng Pilipino? Maaaring kilala ninyo ang tanong na ito sa wikang Ingles: “What is the average penis size for Filipinos?” Ang sagot ay mahirap tiyakin, sapagkat hindi naman lahat ng tanungin mo ay aaminin ang tunay na sukat ng kanyang ari. Isa pa, mahirap alamin kung alin ba ang sinusukat, ang malambot (flaccid) o matigas (erect) na katatayuan ng ari, at nag-iiba iba rin ang mga sukat na ito, depende sa maraming mga bagay.

Pero ayon sa maraming mga mananaliksik ay maaaring nasa 5 inches ang pangkaraniwang sukat ng ari ng lalake sa Asya (at kasama na dito ang Pilipinas). Pag sinabing “average” ibig-sabihin ito’y nasa gitna; 50% ng kalalakihan ay mas mababa dito; 50% ay mas mataas. Ang “range” daw ng normal ay nasa 4-6 inches, ngunit maging ito ay hindi tiyak na datos. Maaaring mas mababa pa sa 5 ang average.

At kahit anu pa man ang “average” na sukat ng ari ng lalaki sa Pilipinas, ito ba’y pinapahalahagan ng mga kababaihan? Ayon sa mga pag-aaral, sa karamihan ng mga babae ay hindi naman mahalaga ang sukat ng ari ng kanilang mga sexual partners.

Naiintindihan ko kung bakit maraming nag-aaalala sa sukat ng kanilang mga ari: isa sa pinakamahalagang bahagi ng katawan ang ari, at ito ang kumakatawan sa pagkalalaki. Ngunit, huwag pagtuunan ng pansin ang bagay na ito! Kung anong ipinagkaloob sa iyo, tanggapin mo at ibigay ng buong-buo sa iyong minamahal. Sa huli, ang sukat ng iyong pag-ibig ang tunay na makakapagpaligaya sa kanya.