Nutrisyon ng nagpapasusong ina

Ang pagpapasuso ng gatas sa bagong silang na sanggol ang pangunahing pagkain na dapat ibigay sa kaniya ng kaniyang ina. Ito ay sapagkat ang gatas ng ina ay siksik sa sustansya at antibodies na kinakailangan ng sanggol sa kanyang paglaki. Basahin ang kahalagahan ng pagpapasuso sa isang artikulo ng Kalusgan.Ph.

Upang maibigay kay baby ang kumpletong sustansya na kanyang kailangan, dapat tandaan na kinakailangan ding manatiling masustansya ang mga pagkaing kinakain ng ina.

Mga pagkain na dapat kainin ng inang nagpapasuso

Para sa mga eksperto, wala namang talagang ispesipikong pagkain na dapat ipakain sa mga nagpapasusong ina. Ngunit dapat tandaan na kinakailangang manatiling balanse ang pagkain sa lahat ng oras. Ang sumsunod na tips ay maaaring magsilbing gabay para sa pagkaing kakainin sa araw-araw.

  • Kumain ng mga pagkaing mayaman sa starch gaya ng tinapay at kanin. Makabubuting piliin din ang mga wholegrain upang madagdagan din ang mahalagang fiber sa katawan.
  • Karagdagang prutas at gulay para sa mas maraming bitamina at mineral.
  • Kumain ng karagdagang protina mula sa karne, itlog at isda.
  • Lagi ring uminom ng isang basong tubig.

Anong pagkain ang dapat iwasan ng inang nagpapasuso?

Bagaman halos lahat naman ng pagkain na karaniwang kinakain ay ligtas para sa nagpapasusong ina, laging tatandaan na may ilang mga pagkain na maaaring maipasa sa gatas at magdulot ng ilang nakakabahalang epekto sa sanggol.

  • Gatas ng baka. Ang madalas na pag-inom ng inang nagpapasuso ng gatas na mula sa baka ay maaaring magdulot ng ilang pagkaraniwang sintomas sa ilang mga sanggol. Kabilang dito ang kabag, pangangati ng balat, pamumugto ng mata, pagtatae, at pagsusuka.
  • Mga inumin may caffeine. Dapat limitahan o iwasan na ang pag-inom ng mga inuming may caffeine tulad ng gatas at energy drinks sapagkat maipapasa din ito sa gatas ng ina. Maaaring may hindi mabuting epekto ito sa kalusugan ng sanggol.
  • Alak. Walang mabuting maidudulot ang alak sa katawan lalo na kung ito ay mapapasobra. Lalo na kung maipapasa ito sa gatas ng ina.