Ano ang mabisang gamot sa peklat?

Q: Ano ang mabisang gamot sa peklat?

A: Ang peklat, o scar, ay isang pwedeng patunguhan ng isang sugat sa balat, imbis na bumalik sa dati ang kutis ng balat. Dahil ito’y hindi kaaya-aya tingnan, lalo na sa mga bahagi ng katawan na palaging nakikita, isang kagustuhan ng maraming tao ang mawala ang kanilang mga peklat. May mabisang gamot ba sa mga peklat?

Q: Ang sagot ay oo, ngunit hindi lahat ng peklat ay kailangang gamutin. Talaga bang nakakasagabal sa iyo ang pagkakaron ng peklat? Ito ba’y makirot o masakit? Isipin munang mabuti ang mga sagot sa tanong na ito. Kung “hindi” naman, maaari namang ipagpaliban ang pagpapagamot sa mga peklat, sapagkat ito’y bahagi rin naman ng buhay at halos lahat ng tao ay may peklat sa kanilang mga katawan.

Kung “oo” naman, magpatingin sa dermatologist o iba pang doktor upang masuri ang iyong peklat at mabigyan ka ng mga pwedeng gawin para dito. Heto ang mga maaari niyang i-offer:

  • Gamot na pinapahid, gaya ng potassium aminobenzoate. Ito’y hindi nakakagaling, ngunit maaaring makabawas sa pagiging halata ng peklat. May mga ‘silicon gel’ rin na ointment na pinapahid sa peklat.
  • Operasyon o cosmetic surgery, na pwedeng baguhin ang anyo ng iyong balat upang mawala o hindi maging halata ang peklat. Tandaan na ang operasyong ito ay posible ring mag-iwan ng peklat, lalo na kung ikaw ay ‘keloid former’.
  • Depende sa posisyon ng peklat sa iyong katawan, may mga pwede ring ibalot sa peklat gaya ng mga ‘pressure dressing’ upang ito’y mabawasan.

Muli, magpatingin sa iyong doktor upang mapag-usapan ninyo ang iba’t ibang maaaring gawin at alin sa mga ito ay pinaka-okay sa iyo.